આ પાનું પ્રમાણિત થઈ ગયું છે.
ચિત્રપટ : ૧૧૧
‘ચાલ… એ વાત ફરી કરીશું… હમણાં આ ચિત્ર ઉપર ધ્યાન આપ.’ કહેતાં બરોબર ચિત્રનો પ્રથમાંક થયો, અને અંધકાર ભર્યું… અનેક ભાવ ઉપજાવતું ચિત્રગૃહ ઝળાંઝળાં થઈ રહ્યું.
મધુકરે ચારપાસ સ્મિતભરી નજર નાખી.
મધુકરને ઘણી છોકરીઓ ઓળખતી હતી. એના તરફ અનેક રૂમાલો ફરફર્યા. મધુકરે ચારેપાસ નમન તથા સ્મિત પણ સારા પ્રમાણમાં ફેંક્યાં.
‘મધુકર ! તારી વિજયપતાકાઓ બહુ ઊડે છે.’ જ્યોત્સ્નાએ સહજ હસીને કહ્યું.
‘હું કહીશ… મારી વિજયપતાકા સાચી ઊડશે ત્યારે.’ મધુકરે કહ્યું. અને થોડી વારમાં ચિત્રનો બીજો અંક શરૂ થયો.
