પૃષ્ઠ:Tarlaa.pdf/૨૬૦

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૨૫૧
હોટલમાં.



પ્રકરણ ૨૮ મું.
હોટલમાં.


અરવિન્દના ગયા પછી લીલાએ ગંગાને દવા વગેરે પાવાની સૂચના કરી. જુગલને સુવા દેવા-આરામ લેવા દેવા કહી તે અરવિન્દ પાસે ગઈ. જેવી લીલા ઓરડીમાં દાખલ થઈ કે તરત જ અરવિન્દ સવાલ કર્યો,

'લીલા! જુગલભાઈને મટશે ખરું ?'

આ પ્રશ્ન પૂછતી વેળા અરવિન્દને લીલા સામું જોવાનો સમય મળ્યો. લીલા કાંઈ નવી નહોતી. લગ્ન થયાને સાથે રહ્યાને આજ ઘણો સમય થયો હતો, પરંતુ સોંદર્યમાં-લીલાના દેખાવમાં આજે અરવિન્દને કાંઈજ મોહ દેખાયો. લીલા આ જ મુંબાઈમાં મેદાનીયામાં રમતી લીલા–ભૂજંગલાલથી મોહ પામેલી લીલા-ગામડાના જીવનથી કંટાળેલી કેવળ આનંદ લેવા માટે મુંબાઈ આવવા હઠ લીધેલી લીલા–આ જ કે બીજી. મુંબાઈ આવ્યા પછી, આ હોટલમાંના દેખાવ જોયા પછી નથી સંભાર્યું પીક્યર કે નથી રાખી દરકાર આરામની ! લીલાએ જુગલ માટે ગમેતેમ સાંભળ્યું હતું. ગંગાનો કાગળ વાંચી કોઈ પાપીણીનો કાગળ હોય તેમ તે ફેંકી દીધો હતો, તે જ લીલા પોતાના સગા ભાઇની ન કરે એવી સેવાચાકરી જુગલની કરતી હતી. જુગલ માટે મરી પડતી હતી. ગંગાને પ્રેમથી બોલાવતી હતી. ધર આગળ પાણી માટે નોકરની ધૂળ કાઢી નાખનાર લીલા જુગલનાં મળમૂત્ર ધોવામાં જરાપણ સૂગ નહોતી ચડાવતી. આ ઉપરાંત અરવિન્દની પોતાની સગવડ માટે દશવાર હોટલવાળા પાસે ને દશવાર ઓરડીમાં જતી હતી. આ બધું જોઈ અરવિન્દ તો આબ્જો જ બની