આ પાનું પ્રમાણિત થઈ ગયું છે.
લાલચ આપી: ‘જો, રાજકોટ જઈને તને ટચૂકડી ઘોડાગાડી મોકલીશ, હો !’
ભત્રીજો રાજી રાજી થઈ ગયો.
વિદાયને દિવસે લાડકોરે ઘરમાં ગમે તેમ ગોઠવણ કરીને પણ કંસાર રાંધ્યો. દિયરને ભાવપૂર્વક જમાડ્યો અને જતી વખતે એ હાથમાં ચાંદીનો રૂપિયો તથા શ્રીફળ મૂકીને પસ ભરાવ્યો. પછી એને હાથ વડે દિયરનાં દુખણાં લઈને દસેય આંગળાંના ટાચકા ફોડતાં હૃદયપૂર્વક આશિષ આપી:
‘સાજાનરવા રહેજો ને વહેલા વહેલા પાછા ઘેરે આવજો !’
પોતાની પાંપણ ભીની થાય એ પહેલાં જ નરોત્તમે પગલું ઉપાડ્યું.
❋
૧૧૨
વેળા વેળાની છાંયડી
