આ પાનું પ્રમાણિત થઈ ગયું છે.
૯
અસળ ધાન આરોગતાં પારેવાં લ્યો,
નીકર કાંકરી ખાય, માના જનમ્યા ! પારેવાં લ્યો.
ચબૂતરે એનાં બેસણાં પારેવાં લ્યો,
રાજમોલુંને ગોખ માના જનમ્યા ! પારેવાં લ્યો.
બેનીબાએ બોલાવીયાં પારેવાં લ્યો,
તીતી ! તીતી ! બોલે માના જનમ્યા ! પારેવાં લ્યો.
આંગળીએ ઉડી બેસતાં પારેવાં લ્યો,
હથેળીએ ચણ ખાય માના જનમ્યા ! પારેવાં લ્યો.
ઝીણી ઝીણી ચાર ઝાંઝરી, પારેવાં લ્યો,
ઘૂઘરીઆળી ઘડાવો માના જનમ્યા ! પારેવાં લ્યો.
ભાભલડી પે’રાવશે પરેવાં લ્યો,
પારેવડાંને પાય માના જનમ્યા ! પારેવાં લ્યો.
રૂમઝુમન્ત નેવલે પારેવાં લ્યો,
ઓસરીએ ઘમકાર માના જનમ્યા ! પારેવાં લ્યો.
🙖
