પૃષ્ઠ:Venina Ful.pdf/૪૦

વિકિસ્રોતમાંથી
દિશાશોધન પર જાઓ શોધ પર જાઓ
આ પાનું પ્રમાણિત થઈ ગયું છે.




સાગરમાં વસનાર


પેલાં સાગરમાં વસનાર, માડી ! મને બાળ બોલાવે
એનાં હૈયાં તે કેવાં હેતાળ, માડી ! મને રમવા બોલાવે


છાનાં કહે મારા કાનમાં
અમે ભમવા તે જાતાં,
દેશ વિદેશને કાંઠડે
રૂડાં ગાયન ગાતાં.

આજે આંહી આવી નીકળ્યાં,
કાલે ક્યાં વળી જાશું !
કોઇ હિસાબ ન રાખતું,
ક્યાંયે રાત રોકાશું !

હું રે પૂછું, મને તેડશો,
તમ સંગમાં ગાવા ?
હૈયે મારે ઘણા કોડ,
દેશ વિદેશમાં જાવા.