આ પાનું પ્રમાણિત થઈ ગયું છે.
૫૫
ઊભો રે’જે !
ત્રાડ પડી કે ઉભો રે’જે!
ગિરના કુત્તા ઉભો રે’જે!
કાયર દુત્તા ઉભો રે’જે!
પેટભરા ! તું ઉભો રે’જે!
ભૂખમરા ! તું ઉભો રે’જે!
ચોર–લૂંટારા ઉભો રે’જે!
ગા–ગોઝારા ઉભો રે’જે!
ચારણ-કન્યા !
ચૌદ વરસની ચારણ–કન્યા
ચુંદડિયાળી ચારણ–કન્યા
શ્વેત સુંવાળી ચારણ–કન્યા
બાળી ભોળી ચારણ–કન્યા
લાલ હીંગોળી ચારણ–કન્યા
ઝાડ ચડન્તી ચારણ–કન્યા
પ્હાડ ઘુમન્તી ચારણ–કન્યા
જોબનવંતી ચારણ–કન્યા
આગ–ઝરંતી ચારણ–કન્યા
