આ પાનું પ્રમાણિત થઈ ગયું છે.
૬૮
જાણે કુંજની કોયલડી બ્હેન હિન્દવાણી !
ગોરી ગભરૂડી ગાવલડી બ્હેન હિન્દવાણી !
તારાં રૂપ તણાં અંબાર બ્હેન હિન્દવાણી !
એનો કોઇ નહિ રખવાળ બ્હેન હિન્દવાણી !
—આવો૦
આવો આવો રે પંજાબી બ્હેન હિન્દવાણી !
તારાં સિંહ સમાં સંતાન
જેને મરવામાં છે માન
ઝુલે કમરમાં કિરપાણ
ઘર્મવીરને ધવરાવતી બ્હેન હિન્દવાણી !
ગીત ગુરૂનાં ગવરાવતી બ્હેન હિન્દવાણી !
તારા ઘુંઘટ પટ ખોલ બ્હેન હિન્દવાણી !
ઘોર શૌર્ય શબદ બોલ બ્હેન હિન્દવાણી !
—આવો૦
દ્રાવિડ દેશની આવો રે બ્હેન હિન્દવાણી !
તારા માથડા કેરી વેણ
જાણે નાગની માંડે ફેણ
તારાં હીરલે જડ્યાં નેણ
મુખે ખટમધુરાં વેણ