પૃષ્ઠ:Yugavandana.pdf/૧૬૦

વિકિસ્રોતમાંથી
Jump to navigation Jump to search
આ પાનું પ્રમાણિત થઈ ગયું છે.


આપઘેલી


નિર્જન વનમાં પાલવ ઢાળીને
એકલડી ફૂલમાળ હું ગૂંથું,
ગૂંથી ગૂંથી મારે કંઠે ધરવા,
એકલડી ફૂલમાળ ગૂંથું.

ગાન કરું મનમાં ને મનમાં,
મનને રાજી કરવા રે;
ખેલ કરે તોયે મનમાં મનમાં,
મનના માપ મિટવવા રે.
— નિર્જન૦

મનમાં રોતી, મનમાં હસતી,
મનમાં વરતી-પરણતી રે;
મનમાં ગુણ-અવગુણ પર મોહી ,
મનથી મ્હોબત કરતી રે.
— નિર્જન૦

♣ યુગવંદના ♣
૧૪૬