આ પાનું પ્રમાણિત થઈ ગયું છે.
આકાશે આ વીંજણલો કોણ વાય !
રજની રે ! તાર સલૂણો શશિયર રાણો વાય !
વીંજણલામાં તારલિયાળી ભાત.
ધરતીમાં એ વીંજણો કોણ વાય !
સરિતાજી ! તારો સાયબો સાયર રાણો વાય !
વીંજણલામાં માછલિયાળી ભાત.
સરવરપાળે વીંજણો કોણ વાય !
કોયલ ! તારો કંથ આંબો રાણો વાય !
વીંજણલામાં મંજરિયાળી ભાત.
વાડીમાં એ વીંજણો કોણ વાય !
ઢેલડ ! તારો વર રે મોરલિયોજી વાય !
વીંજણલામાં ચાંદલિયાળી ભાત.
પિંજરે પેસી વીંજણો કોણ વાય !
મેનાજી તારો પિયુડો પોપટ રાણો વાય !
વીંજણલામાં પીંછલિયાળી ભાત.
ગોખે બેસી વીંજણો કોણ વાય !
નણદલબાનો વીર રે વ્હાલોજી મારો વાય !
વીંજણલામાં રામ-સીતાજીની ભાત.
૧૫૫