બીરબલ વિનોદ/બાદશાહ બન્યો
| ← બાદશાહ લજાયો | બીરબલ વિનોદ બાદશાહ બન્યો બદ્રનિઝામી–રાહતી |
બીરબલ પારસ છે → |
વાર્તા ૭૧.
બાદશાહ બન્યો.
વૃદ્ધાવસ્થામાં બાદશાહ વાળને કાળા બનાવવા માટે ખિઝાબ લગાડતો હતો. એક દિવસે બપોરે તે ખિઝાબ લગાડતો બેઠો હતો એવામાં બીરબલ ત્યાં આવ્યો, એટલે બાદશાહે પૂછ્યું “ બીરબલ ! ખિઝાબથી દમાગ (મગજ- ભેજા) ઉપર તો કાંઈ નુકસાન થતું નથી? ” બીરબલ બોલ્યો “નામદાર ! ખિઝાબ લગાડનારને દમાગ હોતું જ નથી એટલે પછી તને નુકસાન પહોંચવાની વાત જ ક્યાં રહી ! ?”
બાદશાહે આશ્ચર્ય પામી કહ્યું “એમ કેમ ? દમાગ નથી હોતું એની શી સાબિતી?” બીરબલે કહ્યું “ જહાંપનાહ ! જો દમાગ હોય તો બનાવટી સુન્દરતા અને યુવાની આણવાની વૃથા મહેનત શા માટે કરે ?” આ જવાબ સાંભળી બાદશાહ નિરૂત્તરજ થઈ ગયો.
