મળ્યો જટાધારી જોગેશ્વર

by મીરાંબાઈ

મળ્યો જટાધારી જોગેશ્વર મીરાંબાઈ

૩૬

મળ્યો જટાધારી જોગેશ્વર બાવો, મળ્યો રે જટાધારી બાવો. ટેક∘
હાથમાં ઝારી, હું તો બાળકુંવારી વા’લા, દેવળ પૂજવા ચાલી જોગેશ્વર∘
સાડી ફાડી મેં કફની કીધી વા’લા, અંગ પર ભભૂતિ લગાડી જોગેશ્વર∘
આસન વાળી બાવો મઢીમાં બેઠો વા’લા, ઘેર ઘેર અલખ લગાડી ⁠જોગેશ્વર∘
મીરાં કે પ્રભુ ગિરિધરના ગુણ વા’લા, પ્રેમની કટારી મુંને મારી જોગેશ્વર∘

અન્ય સંસ્કરણ

મળ્યો જટાધારી જોગેશ્વર બાવો,
મળ્યો રે જટાધારી બાવો.

હાથમાં ઝારી, હું તો બાળકુંવારી વા’લા,
દેવળ પૂજવા ચાલી ... મળ્યો રે જટાધારી.

સાડી ફાડી મેં કફની કીધી વા’લા,
અંગ પર ભભૂતિ લગાડી ... મળ્યો રે જટાધારી.

આસન વાળી બાવો મઢીમાં બેઠો વા’લા,
ઘેર ઘેર અલખ લગાડી ... મળ્યો રે જટાધારી.

મીરાં કે પ્રભુ ગિરિધરના ગુણ વા’લા,
પ્રેમની કટારી મુંને મારી ... મળ્યો રે જટાધારી.