રાષ્ટ્રિકા/દમણગંગા
| ← પ્રભાતશુક્રને | રાષ્ટ્રિકા દમણગંગા અરદેશર ખબરદાર |
સ્વાધીનતા → |
| * ધ્વનિત * |
દમણગંગા
• ધ્વનિત •
બહુ વેળ અહીં તુજ પાસ જ બેસી રહી,
તુજ અંતર સાથ ગૂંથ્યું મુજ અંતર મેં;
મુજ ઉર મૂક્યું તરતું તુજ અંદર મેં:
પ્રિય દમણગંગ ! તરાવ નચાવ મહીં!
ભરતી ભરતી ભર લાખ તરંગ અહીં
મુજ જીવનરંગતરંગ ભરી મરમે;
વળી ઊતરતી મુજ ખ્યાલ ભર્યા ભરમે
લઈ જૈ કર ખાલી તું સાગરમાંય વહી!
સરિતા-સજની ! તુજ પર્વતતાતથકી
પડી છૂટી સ્વછંદ વહે વનમાં પુરમાં,
કર વાત વિહારતણી તુજ હ્યાં મુજશું,
ભરી રાખું પ્રીતે સહુ તે સુણીને ઉરમાં,
પછી કાવ્યતરંગ ન શેં ઉભરાય નકી
જવ દમણગંગ ! સ્વછંદ વહે તુજશું ?