લેને તારી લાકડી
| લેને તારી લાકડી મીરાંબાઈ |
લેને તારી લાકડી ને લેને તારી કામળી,
ગાયો ચરાવવા નહિ જાઉં માવલડી ... લેને.
માખણ તો બલભદ્ર ખાધું.
અમને મળી ખાટી હો રે છાશલડી ... લેને૦
વૃંદા તે વનને મારગે જાતાં,
પગમાં ખૂંચે ઝીણી કાંકરડી ... લેને૦
દાદુર મોર પપીહા રે બોલે,
ખિજાવે કહી કાળી કરસનડી ... લેને૦
મીરાં કે પ્રભુ ગિરિધર નાગર,
ચરણકમળ ચિત્ત રાખલડી ... લેને૦
અન્ય સંસ્કરણ[ફેરફાર કરો]
૩૯
લેને તુરી લાકડી ને લેને તુરી કામલી,
ગાયો તો ચરાવવા નહિ જાઉં માવલડી લેને∘
માખણ તો બલભદ્રને ખાયો.
હમને પાયો ખાટી હો રે છાશલડી લેને∘
વૃંદાવનને વનને મારગે જાતાં,
પાઉંમેં ખૂંચે ઝીણી કાંકલડી લેને∘
મીરાં કે પ્રભુ ગિરિધર ના ગુણ,
ચરણકમળ ચિત્ત રાખલડી રે... લેને∘