હાં રે સખી ના'વા પધારે મહારાજ

વિકિસ્રોતમાંથી
દિશાશોધન પર જાઓ શોધ પર જાઓ
હાં રે સખી ના'વા પધારે મહારાજ
પ્રેમાનંદ સ્વામી



હાં રે સખી ના'વા પધારે મહારાજ રે, જીવન જમુના મેં;
સાથ લીધો છે સરવે સમાજ રે, વ્રજને વિસામે... ટેક

હળવા રે હળવા વા'લો હાલે બજારે,
હાં રે ઊભાં નગરવાસી પ્રાણ વારે રે... જીવન ૧

છત્ર ચમર શિર ઉપર રાજે,
હાં રે આગે અગણિત વાજાં વાજે રે... જીવન ૨

ઊતર્યા ગોવિંદ જમુના મેં ના'વા,
હાં રે આવ્યા સુરમુનિ પુષ્પે વધાવા રે... જીવન ૩

ગિરિધર નહાય ને ગોપિયું ગાયે,
હાં રે જોઈ પ્રેમાનંદ વારી જાયે રે... જીવન ૪