ઓખાહરણ/કડવું-૯

by પ્રેમાનંદ

← કડવું-૮

ઓખાહરણ કડવું-૯ પ્રેમાનંદ

કડવું-૧૦ →

રાગ: સાખી

કડવું ૯મું
રૂપ સાથે ગુણ જરૂરી છે.
રાગ : આશાવરી

રૂપગુણને વાદ પાડ્યા, ચાલ્યા રાજદ્વાર;
ગુણને આપ્યા બેસણાં, પછી રૂપને કર્યા જુહાર. (૧)

રૂપ તો આપ્યાં શિવે નાગરાં, કોઇ જોગી અબધુત;
ચતુરાઈ દીધી જે ચારણાં, વળી કોઇ રજપુત. (૨)

પુન્ય વિના ધન કયા કામકો, ઉદક વિણ કુંભ;
એ દો વસ્તુ કછુ ન કામકી, જેમ ગુણ વિના રૂપ. (૩)

સ્વરૂપ દિયો શિવ ચાતુરી, ગુણ ન દિયો લગાર;
રૂપ તમારું પાછું લો, રૂપ ગુણ વિણ છે ભાર. (૪)