ચિંતા કર્યે ચાલશે ના
| ચિંતા કર્યે ચાલશે ના રવિન્દ્રનાથ ટાગોર |
| અનુવાદ : મહાદેવભાઈ દેસાઈ |
ચિંતા કર્યે ચાલશે ના
તારાં પોતીકાં જનો છોડી જાશે
તેથી કાંઈ ચિંતા કર્યે ચાલશે ના.
તારી આશાલતા પડશે તૂટી;
ફળ ભલે ઊતરશે ના -
તેથી કાંઈ ચિંતા કર્યે ચાલશે ના.
મધરસ્તે અંધારું થાશે
તેથી તું શું અટકી જાશે ?
વારંવારે ચેતાવજે દીવો,
ખેરને દીવો ચેતશે ના -
તેથી કાંઈ ચિંતા કર્યે ચાલશે ના.
શુણી તારી મુખની વાણી,
વીંટળાશે વનવનનાં પ્રાણી,
તોય કદી તારા ઘરના ઘરમાં,
પથ્થરો પીગળશે ના, -
તેથી કાંઈ ચિંતા કર્યે ચાલશે ના.
બારણાં સામે બંધ મળે,
એટલે આમ શું પાછો વળે ?
વારંવારે ઠેલવાં પડે
બારણાં તોયે હલશે ના, -
તેથી કાંઈ ચિંતા કર્યે ચાલશે ના.