જોશીડા જોશ જુઓને
જોશીડા જોશ જુઓને મીરાંબાઈ |
જોશીડા જોશ જુવોને, કેદા'ડે મળશે મુને કાન રે. ટેક
દુઃખડાની મારી વાલા દૂબળી થઈ છું, પચી પચી થઈ છું પીળી પાન રે.— જોશીડા. ૧.
દુઃખડાં મારાં ડુંગર જેવડાં, સુખડાં છે મેરૂ સમાનરે.— જોશીડા ૨.
પ્રીતો કરીને વાલે પાંગળા કીધાં, બાણે વીંધ્યા છે મારા પ્રાણ રે.— જોશીડા ૩.
બાઈ મીરાં કે પ્રભુ ગિરિધરના ગુણ, ચરણકમળ ચિત્ત ધ્યાઉં રે.— જોશીડા ૪.
અન્ય સંસ્કરણ[ફેરફાર કરો]
જોશીડા જોશ જુઓને, કે દા'ડે મળશે મુને કાન રે ?
દુઃખડાની મારી વા'લા દૂબળી થઈ છું,
પચીપચી થઈ છું પીળી પાન રે. જોશીડા૦
દુઃખડાં મારાં ડુંગર જેવડાં,
સુખડાં છે મેરુ સમાન રે. જોશીડા૦
પ્રીતો કરીને વા'લે પાંગળા કીધાં,
બાણે વીંધ્યા છે મારા પ્રાણ રે. જોશીડા૦
બાઈ મીરાં કે પ્રભુ ગિરિધરના ગુણ,
ચરણકમળ ચિત્ત ધ્યાઉં રે. જોશીડા૦