દૂર દાઝવું જો ના થાયે,
જો ના દ્હાડાથી ઓલાયે -
જો યાદી ના કૈં ભાવે તો -
ભૂલી જાવા આશાઓ !
૪-૬-૯૮
એકલો બોલ
'ચાહું છું,' બાલે ! તું કહે છે !
તો કાં આંખ મહીં ના એ છે ?
ના કાં એ ગાલે છે રમતું !
ખેલાડી પેલું ? આનન્દી પેલું ?
મ્હારામાં - એકજમાં - ત્હારો
હૈયે હોત ઠલાવ્યો ભારો:
તો - તો વ્હાલી બાલે !
આવી કંગાલી શાને ?
શાને દેવાતે ભાલે ?
જ્યાં જ્યાં ભેટો થાતો, બાલે !
ત્યાં આ રક્ત ઉછાળે ચાલે !
થંડું ત્યાં ત્હારૂં તો ભાલે
પ્રેમે ઉત્તર શો ?
બોલ એકલો જ તુજ દિલ ખોલે !
મ્હારૂં નામ મૃદુ શી બોલે !
ત્હો યે આ ઉરના જુસ્સા ના
તવ હૈયું ફોલે !
બાલે ! તવ હૈયું ફોલે !
જોને - પરવાળાં ત્હારાં એ
આ ઓષ્ઠે કો દી શાનાં આવે !
ત્હોયે હિમભર્યા સિન્ધુની
શરદી કાં લાવે ?
બાલે ! શરદી કાં લાવે ?
શબ્દ માત્ર શું હું જેવાને ?