આ પાનાનું પ્રુફરીડિંગ થઈ ગયું છે
ઝંખના
૧૯
કોણ ઉઘાડી જાણે ઉર અંધકારમાં રે ?
હરિ ! દ્દગ વાર મા રે ! ૪
લજ્જાળુ લલનાશી લપાતી
વીજ પલક ઝબકી સંતાતી,
'આ કહી આંખ ઠગાતી જોતાં વારમાં રે !
હરિ ! દ્દગ વાર મા રે ! ૫
શોધું ત્યાં તો નીકળે ચાલી,
પકડું પણ મુજ કર રહે ખાલી :
યુગયુગ રહે શું એજ પ્રણાલિ સારમાં રે ?
હરિ ! દ્દગ વાર મા રે ! ૬
દશદિશમાં કે અંતર શોધું;
હું જ ન જાણું ત્યાં શું બોધું ?
નોંધું જીવનકળ શું પળપળ હારમાં રે ?
હરિ ! દ્દગ વાર મા રે ! ૭
પડતું પડતું અંતર લડશે,
પડપડ દિવ્ય દિગંત ઊઘડશે :
તું, હરિ ! જડશે પછી તો એ ઉચ્ચારમાં રે !
હરિ ! દ્દગ વાર મા રે !
ક્યાં જઈ શોધું તારું સત્ય સકળ સંસારમાં રે ? ૮
