આ પાનાનું પ્રુફરીડિંગ થઈ ગયું છે
આવરણ
૫૧
આજે તો અંતરે આશાના બોલડા,
ખાલી જોઉં જગતની થાળ :
કાલે તો સિદ્ધિનાં ફૂલડાં ખીલીને
થાળે સુહાશે વરમાળ રે :
નાથ ! હું તો જીવું કરી કાલ કાલ ! ૩
આજે તો આંસુની માળા હું ફેરવું
જોતો હૈયા કેઈ ઝાળ :
કાલે તો હાસ્યનાં મોતી વેરાશે ને
સુધા રેલાશે ઉરપાળ રે :
નાથ ! હું તો જીવું કરી કાલ કાલ ! ૪
આજે દિશાઓના વાંચી દુઃખાક્ષરો
આત્માના ઊઠે સવાલ :
કાલે ત્યાં નાથ ! તારું ઝળશે સિંહાસનને
ઊછળશે આનંદ વિશાળ રે :
નાથ ! હું તો જીવું કરી કાલ કાલ ! ૫
આજે શું ભાગ્યને દોરે બંધાઈને
ખુંદવાં આ તારાં પાતાલ ?
કાલના જ સ્વર્ગમાં જીવવું શું માનવે ?
નાથ ! શું આજમાં ન માલ રે ?
નાથ ! કહેની કેવી છે તારી તે કાલ ? ૬
