આ પાનું પ્રમાણિત થઈ ગયું છે.
૫૭
રાતલડીનાં તેજ રૂપાવરણાં,
ફુલ્યા રે એવા શઢડા વાલાજી તણા,
ભાળું હું કાગાનીંદરે નાવ ઘણાં!
વાહૂલિયા હો ધીરા ધીરા વાજો!
બેની મારી લેર્યો સમૂદરની!
હળવે હાથે હીંચોળો નાવલડી,
હીંચોળે જેવી બેટાને માવલડી,
વાહૂલિયા હો ! ધીરા ધીરા વાજો!
પાછલી રાતે આંખ મળેલ હશે,
ધીરી ધીરી સાંકળ રણઝણશે,
બેમાં પે'લો સાદ કેને કરશે!
વાહૂલિયા હો ધીરા ધીરા વાજો!
ધીરા વાજો
રે મીઠા વાજો!
વાહૂલિયા હો ધીરા ધીરા વાજો!
♣
