આ પાનાનું પ્રુફરીડિંગ બાકી છે
૨૨
ન્હાના ન્હાના રાસ
પ્રાણ તો મ્હારા પોયણાં, હો નણદલ નેણમીઠડાં !
રાતે ઉઘડે ને દિવસે એ શાન્ત;
હો નણદલ ! નિરખો એ ચન્દ નેણમીઠડાં.
ઝીલું એ ચન્દ્રની ચન્દની, હો નણદલ નેણમીઠડાં !
મ્હારા ઉરની અગાસીએ એકાન્ત;
હો નણદલ ! નિરખો એ ચન્દ નેણમીઠડાં.
વીરા ત્હમારા વેગળા, હો નણદલ નેણમીઠડાં !
મીઠી મોહિની વરસે મહારાજ;
હો નણદલ ! નિરખો એ ચન્દ નેણમીઠડાં.
હૈયાના ચોકમાં ચન્દની, હો નણદલ નેણમીઠડાં !
કાંઈ આવો એ ઝીલવાને કાજ;
હો નણદલ ! નિરખો એ ચન્દ નેણમીઠડાં.
