આ પાનાનું પ્રુફરીડિંગ બાકી છે
ભાગ બીજો
૬૯
જાણે ચન્દરવો વનચોકનો રે,
જાણે વનહરિયાળીનો થાળ જો ;
જાણે ઘુમ્મટ વનમન્દિરનો રે,
જાણે કલ્પવૃક્ષની કો ડાળ જો:
વડલે ફૂટે ફુવારા તેજના રે.
લટકે લહેરાતી જગજૂની જટા રે,
પ્રસર્યાં મૂળ તો પૃથ્વિપુરાણ જો;
પાંદડે-પાંદડે પગલાં કાળનાં રે,
વડલો ભાખે ત્રિકાળની વાણ જો:
વડલો વનવનના રાસા ભણે રે.
વડલો વનલક્ષ્મીનો રાજવી રે,
વડલો જગવાડીનો જોગેશ જો ;
વડલો વિધિવાવ્યો છોડ ભાગ્યનો રે;
જગનો વડલો ભારતદેશ જો:
જગવડલા ! શોભાવી જગ શોભજે રે.
