આ પાનાનું પ્રુફરીડિંગ બાકી છે
૭૮
ન્હાના ન્હાના રાસ
વિશ્વ વધાવા
આવ્યાં જગતનાં ન્હોતરાં, ચાલો વિશ્વ વધાવા ;
નયણાં આ ઢળી ઢળી જાય
વિશ્વનો રાજ વધાવા.
આવ્યાં ગગનનાં ન્હોતરાં, ચાલો વિશ્વ વધાવા ;
આતમ આ ઉડું ઉડું થાય
વિશ્વનો રાજ વધાવા.
પંખીની પાંખમાં પ્રેરણા, ચાલો વિશ્વ વધાવા ;
ઉડવાના એને ઉમંગ,
વિશ્વનો રાજ વધાવા.
માનવપ્રાણમાં ઝંખના, ચાલો વિશ્વ વધાવા ;
આતમઉછાળા અભંગ,
વિશ્વનો રાજ વધાવા.
નથી રે આડચ, નથી આગળા, ચાલો વિશ્વ વધાવા ;
નથી રે સીમાઓને ઘાટ,
વિશ્વનો રાજ વધાવા.