આ પાનાનું પ્રુફરીડિંગ થઈ ગયું છે
દેશદશાનાં ગીતો
૧૫૩
હિન્દનો વિજયડંકો
• ગઝલ[૧] •
વિજયડંકા કરો આજે, મળ્યા બહુ હિન્દના જાયા !
મળ્યા સહુ હિન્દના જાયા, શૂરા ! ઝળકાવજો કાયા ! – વિજય.
મુસલમિન, પારસી, હિન્દુ, વળી શિખ ખ્રિસ્તિ ઈન્દુ :
મળી સૌ એક આત્માએ દીપાવો હિન્દ હરખાયા ! – વિજય.
તજો નિજ સ્વાર્થ આઘો, સજો પરમાર્થનો વાઘો;
થઇ લીન દેશભક્તિમાં રહો રસ એહ લપટાયા ! – વિજય.
બીજી જેના સમી નહોતી, બની તે આજ ક્યમ રોતી ?
નથી શુ માતૃપ્રેમી અહી શૂરા, વિદ્વાન, મુનિ, રાયા ? – વિજય.
“અમારી એ, અમારી એ, અમારી જ માત એ, “ વદિયે!
“અમે જીવતા છતાં શું એ રડે ?” – સમરિયે જ અકળાયા ! – વિજય.
- ↑ ઈ.સ. ૧૯૦૨. આગલા કાવ્યની નીચેની નોંધ જોવી.