આ પાનાનું પ્રુફરીડિંગ થઈ ગયું છે
કર્ત્તવ્યનાં ગીતો
૧૭૭
ભારતના જવાંમર્દને
• લાવણી •
કેમ તને જીવવું ભાવે, હો જવાંમર્દ ભારતના ?
કહેની, જવાંમર્દ ભારતના !
સો સો ટુકડા થઈ રહ્યા આ જોની તારી પતના !
બાબા ! પહાડ પડે આફતના !--
ધગધગતા અંગાર ઝરે ને ઊડે રાખ ને રેતી,
જોની, ઊડે રાખ ને રેતી :
ફાટી આંખે જોઈ રહ્યો શું આ તુજ ટેકફજેતી ?
બાબા ! શું તું જોય મજેથી ? ૧
ક્રોડો દિવસ ગયા કે ડૂબ્યા, ક્રોડો આવી રાતો ;
પૂઠે ક્રોડો આવી રાતો ;
પણ આ ધરણી ધસતી ન હારે, ઉગવે નવાં પ્રભાતો :
બાબા ! હાર્યાની શી વાતો ? ૨