આ પાનાનું પ્રુફરીડિંગ થઈ ગયું છે
૨૦૮
રાષ્ટ્રિકા
રસની રેલ રહે રેલાતી, ત્યાં રેલે રસવીર :
રણનાં કારણ મારણ તારણ, રણ ખેલે રણધીર !
નહીં તે પૂછે રણનું નામ :
આ તો દેવાસુર સંગ્રામ ! ૩
રણધીરાની થાય કસોટી, વીરા ! ઊતરો પાર !
મરીને જીવવાનો છે મોકો, નહિ મારીને માર !
પછી તો છે અવિચળ વિશ્રામ :
આ તો દેવાસુર સંગ્રામ ! ૪
આત્મશૌર્યની ઑર જ લીલા, દિવ્ય દેવનાં નૂર :
છો અંધાર વીંટે રવિને પણ રવિ ભેદે ભરપૂર !
અદલ એ સમરાંગણ અભિરામ :
આ તો દેવાસુર સંગ્રામ ! ૫