આ પાનું પ્રમાણિત થઈ ગયું છે.
પાળે ઘુમે પારેવડાં પારેવાં લ્યો,
ટોડલે ઘૂમે મોર, માના જનમ્યા ! પારેવાં લ્યો.
પાંચ ધોળાં પાંચ વાદળી પારેવાં લ્યો,
આંખડી રાતી ચોળ, માના જનમ્યા ! પારેવાં લ્યો.
આંગણીયે પગ પાડતાં પારેવાં લ્યો,
ધૂળમાં ગૂંથે ફુલ, માના જનમ્યા ! પારેવાં લ્યો.
ઘેરૂં ઘેરૂં કાંઈ ઘઘવે, પારેવાં લ્યો,
લીલી ફુલાવે ડોક માના જનમ્યા ! પારેવાં લ્યો.
જોડલું જૂદું થાય નૈ, પારેવાં લ્યો,
રોજ પારેવી સંગ માના જનમ્યા ! પારેવાં લ્યો.
આભને આરે ઉડતાં પારેવાં લ્યો,
પોઢતાં પૃથવી માંય માના જનમ્યા ! પારેવાં લ્યો.
