આ પાનું પ્રમાણિત થઈ ગયું છે.
૩૩
હાં રે મને પ્યારો છે
આભમાં ઘુમન્તી એ વીજળીનો પીળેરો રંગ,
હાં રે બીજો પ્યારો છે
બાગમાં ખીલેલી ચંપાની કળીનો પીળેરો રંગ.
હાં રે મને પ્યારો છે
ભાભી કેરી વેણીના કેવડાનો પીળેરો રંગ.
હાંરે બીજો પ્યારો છે
પીઠી ભરી લાડીને અંગ ઉઠ્યો પીળેરો રંગ.
હાં રે મને પ્યારો છે
ચંદ્ર સૂર્ય તારાનો તેજ ભર્યો પીળેરો રંગ,
હાં રે બીજો પ્યારો છે
દીન તણા ઝાંખા ઘરદીવડાનો પીળેરો રંગ.
