પ્રાણીઓની ગાડી
ચોખ્ખું ઘરનું આંગણું અજ્ઞાત |
બાળગીત |
પ્રાણીઓની ગાડી
જંગલ કેરા પ્રાણીઓની છુક છુક ગાડી ચાલી...
સૌથી આગળ કાળો હાથી, એંજીન એ કહેવાય.
હાથી ઉપર બેઠું સસલું, ડ્રાઈવર એ કહેવાય,
મોટાં મોટાં ફળ એ હાથીને દેતું જાય.
જંગલ આખું ધમધમ થાતું, પક્ષીઓ હરખાય.
લાંબી ડોકે જીરાફભાઈ જંગલ જોતા જાય,
વરુ અને શીયાળ એના પગમાં અથડાય;
કાણી આંખે કાગડાભાઈ જંગલ જોતા જાય,
હરણ અને સાબર એ તો ઠેકડા મારતા જાય.
કોટ પહેરી વાંદરાભાઈ ડબ્બે ડબ્બે જાય,
પાંદડાની ટિકિટ તપાસે, ચેકર એ કહેવાય;
સૌની આગળ ઝંડી લઈને રીંછભાઈ જાય;
પી-પી સીટી વગાડી, ગાડી ઊપડી જાય.