આ પાનાનું પ્રુફરીડિંગ થઈ ગયું છે
સંગ્રામનાં ગીતો
૨૧૭
થંભો, થંભો ! અરિ વરસાવે આભ થકી અંગારા :
બળતી લાહ્ય ન એ પિગળાવે અંતર હિમના ભારા :
જયજય ભારતે હો ! ૪
હો વીરા ! વીજળી સમ પડતી શીશ તડોતડ લાઠી :
એ લાઠી જ થશે આખર તો ભારતધ્વજની કાઠી !
જયજય ભારતે હો ! ૫
બળબળતી લૂ વરસે શિર કે મેઘ જ મૂશળધારે :
ધન્ય સહનતા ક્ષમા ધરાની ભારતજન સંસ્કારે !
જયજય ભારતે હો ! ૬
મરવું છે જીવવાને માટે, લડવું છે ફરી ચહાવા :
સ્નેહ ક્ષમા છે માનવ કેરી માનવતા જ ગણાવા :
જયજય ભારતે હો ! ૭
વિશ્વ સકળ ઝબકારી રહી આ ભારતયજ્ઞની જ્વાળા :
જયો જયો ! ભડ અદલ વીરો ! હો ભારતયશ રખવાળા !
જયજય ભારતે હો ! ૮