રાસચંદ્રિકા/ત્રિકાલ

વિકિસ્રોતમાંથી
દિશાશોધન પર જાઓ શોધ પર જાઓ
← આવજો, જોગીડા ! રાસચંદ્રિકા
ત્રિકાલ
અરદેશર ખબરદાર
આજની વાત →




ત્રિકાલ

♦ * ગરબી[૧]


મીઠી મીઠી બોલે, વસંત ઉર લોલે,
હો ઝૂમે આશાના મૉર ;
રાતું રાતું ખીલે, પ્રભાત રંગ ઝીલે,
તે લાગે ઝાંખા ને ઘોર :
રંગ હોઠે વસે રે લોલ !

કોયલ ડાળે ડાળે ટહૂકી રહે ઊનાળે,
હો નાચે પ્રીતિના મોર :
તપી તપી તાપે બપોર તેજ વ્યાપે,
તેમ ચળકે આંખલડી ચોર :
પ્રભા મુખડે હસે રે લોલ !

પાન ખરે ઝૂકે, હેમંત વાયુ ફૂંકે,
હો ફૂટે સ્મૃતિના અંકોર :
ભૂરી ભૂરી સાંઝે સરોજ દિલ દાઝે,
ત્યાં પડઘા પાડે ઉરશોર :
દિશા ડૂબતી દિસે રે લોલ !


  1. આ ગરબી નવી છે.