લટકંતા આવે લાલ
લટકંતા આવે લાલ પ્રેમાનંદ |
લટકંતા આવે લાલ
લટકંતા આવે લાલ લટકંતા આવે,
મારે મંદિર મોરારી;
ગજગતિ ચાલ સુંદર ગજગતિ ચાલ રે,
જોઈને બલિહારી... ૧
સાથળ ઘૂંટણ સુંદર, સાથળ ઘૂંટણ જોઈ,
પિંડી ને પાનિયું;
ઘૂંટિ પેનીની છબી ઘૂંટી પેનીની રે,
મારે મન માનિયું... ૨
અરુણતળામાં સુંદર અરુણતળાં માંહી,
સોળ ચિહ્ન શોભતાં;
ઊર્ધ્વરેખામેં રૂડી ઊર્ધ્વરેખામેં રે,
મુનિમન લોભતાં... ૩
મૂર્તિ મહારાજની શ્રી મૂર્તિ મહારાજની રે,
ગાઈ પ્રીતે કરી;
પ્રેમાનંદ કહે નાથ પ્રેમાનંદ કહે રે,
અંતરમાં રહો શ્રીહરિ... ૪