આ દશ આ દશ પીપળો
| આ દશ આ દશ પીપળો અજ્ઞાત |
આ દશ આ દશ પીપળો
આ દશ આ દશ પીપળો
આ દશ દાદાનાં ખેતર
દાદા કાનજીભાઈ વળામણે
દિકરી ડાહ્યાં થઈને રહેજો
ભૂલજો અમ કેરી માયા
મનડાં વાળીને રહેજો
સસરાના લાંબા ઘૂંઘટા
સાસુને પાહોલે પડજો
જેઠ દેખીને ઝીણાં બોલજો
જેઠાણીના વાદ ન વદજો
નાનો દેરીડો લાડકો
એનાં તે હસવાં ખમજો
નાની નણંદ જાશે સાસરે
એનાં માથાં રે ગૂંથજો
માથાં ગૂંથીને સેંથાં પૂરજો
એને સાસરે વળાવજો
આ દશ આ દશ પીપળો
આ દશ દાદાનાં ખેતર
માતા કાશીબેન વળામણે
દિકરી ડાહ્યાં થઈને રહેજો