કલાપીને સંબોધન
| કલાપીને સંબોધન મણિશંકર રત્નજી ભટ્ટ-'કાન્ત' |
કલાપીને સંબોધન
સુરતાની વાડીના મીઠા મોરલા!
ઉછળતા શા ઉરસાગર ઉલ્લાસ જો!
નિર્ઝરતી સૌભાગ્ય સુહાગન જ્યોત્સ્નિકા;
નયને ઝળકે નમણું નિર્મલ હાસ જો!
આજે ને અજવાળે આમ્ખલડી, સખિ !
અંતર ઉપર ઉઘડે આલમનૂર જો!
હેત હૈયાનાં વહતી વાજે વાંસળી,
ઉડે સ્વર આકાશે અંદર દૂર જો.
નંદનવના પ્રાસાદોની ટોચથી
માધુરી કેકા આજે શી ઉભરાય જો!
સુરભીઓ સાથે સંસારે સરી !
અંતદ્વારે ગીરા શી અથડાય જો!
“तत्सवितानुं भर्ग वरेण्यं धीमहि”
ગાયત્રીનો જૂજો ભેદક મંત્ર જો !
આજે અન્ય પ્રકારે આ માથું નમે,
નમતો સાથે આત્માનો એ તંત્ર જો !