ગુરુ મારા સિંચોડો કીધો તમે સાબધો

વિકિસ્રોતમાંથી
ગુરુ મારા સિંચોડો કીધો તમે સાબધો
દાસી જીવણ



ગુરુ મારા સિંચોડો કીધો તમે સાબધો

મારા હૈયામા હરખ ન માય રે ગુરુજી મારા, ચિચોડો કીધો સાબદો
સાખી-સતસંગનો ચિચોડો માંડયો, માય શબ્દની શેરડી પીલાય,
રહસ્ય રૂપી રસ નીકળે, એની ભાવેથી કુડીયુ ભરાય. ગુરુ

સાખી-આ કાયા રૂપી કડા બનાવી, ઠીક કરી માણીગે ઠેરાય,
કુડ કપટના બળતણ બાળતા, એમા અનુભવ રસ ઉભરાય. ગુરુ

સાખી- ધરમ માય પડી રે ધ્રુબકી, ગુણ રૂપી ગોળ પકવાય,
કબુદ્ધિ રૂપી કામસ ઉતારવા, પ્રેમની પાવડી ફેરવાય. ગુરુ

સાખી- અનેક લોકો ગોળ ખાવા આવ્યા, આવીને ઉભા અખાડાની માય,
દાસી જીવણ સત ભીમના ચરણા, પછી મારા મનના માટલા ભરાય. ગુરુ