આ પાનાનું પ્રુફરીડિંગ થઈ ગયું છે
આજે નિશાળે નથી જાવું
૧૪૯
શિક્ષક બાળકને પૂછે છે : “હેં ભાઈ, તમે ગાંડા છો કે ડાહ્યા ?”
બાળક : “હું તો ગાંડો છું.”
શિક્ષક : “કેમ ?”
બાળક : “હું ગાંડો છું એમ.”
શિક્ષક : “પણ ડાહ્યા નહિ ને ગાંડા કેમ ?”
બાળક : “હું રડું છું તેથી.”
શિક્ષક : “રડ્યાથી ગાંડા શું કામ ?”
બાળક : “બા કહે છે, બાપા કહે છે, આ નોકર પણ કહે છે કે રડીએ તો ગાંડા કહેવાઈએ. એટલે ગાંડા.”
શિક્ષક : “પણ તમે ગાંડા કે ડાહ્યા ?”
બાળક : “ગાંડા.”
શિક્ષક : “પણ ચાલો હું ગાંડા નથી કહેતો, ડાહ્યા કહું છું; તો ?”
બાળક : “પણ હું રડું તો છું; પછી ડાહ્યો કે ?”
શિક્ષક : “રડો છો શું કામ ?”
બાળક : “ઘરે જવું છે.”
શિક્ષક : “ત્યારે એમાં ગાંડા શું કામ ?”
બાળક : “બધાં કહે છે કે રડે તે ગાંડા.”
આજે નિશાળે નથી જાવું
બાળક : “આજે નિશાળે નથી જવું.”
બાપા: “કંઈ નહિ, કાલે જજે.”
×××
