આ પાનાનું પ્રુફરીડિંગ થઈ ગયું છે
મોતિયો ને માનિયો ઝોકે રોકાશે
વાછરું ને પાડરું ભળાવિયાં રે
હાલો ગલૂડાં રમાડવા જી રે
ડાઘિયો ડૂઘિયો ખેતરમાં જાશે
વાંહે રે'શે બે રખોલિયાં રે
હાલો ગલૂડાં રમાડવા જી રે
કાળિયો ને લાળિયો પાદર પસાયતા
બાઉ બાઉ આલબેલ બોલિયા રે
હાલો ગલૂડાં રમાડવા જી રે
ગોળ-ઘી-લોટના શીરા બનાવિયાં
કાળવીનાં પેટડાં પૂરિયાં રે
હાલો ગલૂડાં રમાડવા જી રે
પેટ ભરીને માડી બાળક ધવરાવે
ધાવીને પોઢે ટીપૂડિયાં રે
હાલો ગલૂડાં રમાડવા જી રે
