આ પાનાનું પ્રુફરીડિંગ બાકી છે
પદ ૮ રાગ રામગ્રી.
આજ મારાં નેણાંરે સફળ થયાં, નાથ જોયાં મેં નીરખી,
સુંદર વદન નિહાળતાં, મારા હૃદયમાં હરખી.— આજ. ૧
જે મારા મનમાં હતું તે વ્હાલાજીએ કીધું;
પ્રેમેથી પ્રભુજી પધાર્યા, આલિંગન દીધું.— આજ. ૨
જોગીરે જંગમરે સેવડા, તેના સ્વપ્નમાં ન આવે;
ભાગ ભલાં વ્રજનારનાં, હરિને લાડ લડાવે— આજ. ૩
ધન ધન ગોકુળ ગામડું ધન ધન વ્રજનો વાસ;
ધન ધન આ ભૂમિને, જ્યાં વ્હાલો રમિયા છે રાસ.— આજ. ૫
અંતરીક્ષથી દહુ દેવતા, ત્યાં જોવાને આવે;
થાળ ભર્યો સગ મોતિયે, નાગર નરસી વધાવે.— આજ. ૬
પદ ૮ રાગ એજ.
પઢોરે પોપટ રાજા રામ ના, સતી સીતાજી પઢાવે,
પાસે રે બંધાવી રુડું પાંજરૂં, મુખ થી રામ જપાવે.— પઢો રે પોપટ. ૧.
પોપટ તારે કારણે, લીલા વાંસ વઢાવું,
તેનુ રે ઘડાવું પોપટ પાંજરૂં, હીરા રતને જડાવું. — પઢો રે પોપટ. ૨.