આ પાનાનું પ્રુફરીડિંગ બાકી છે
1121212
પદ ૧૦ ભજન.
જૂનું તો થયું રે, દેવળ જૂનું તો થયું;
મારો હંસલો નાનો ને, દેવળ જૂનું તો થયું. ટેક.
આ રે કાયા રે હંસા, ડોલવાને લાગી રે;
પડી ગયા દાંત, માંયલી રેખું તો રહી.— મારો ૧.
તારે ને મારે હંસા, પ્રિત્યું બંધાણી રે;
ઊડી ગયો હંસ, પિંજર પડી રે રહ્યું— મારો ૨.
બાઈ મીરાં કે પ્રભુ ગિરિધરના ગુણ;
પ્રેમનો પ્યાલો તમને પાઉં ને પીઉં— મારો ૩.
પદ ૧૧.
વાટ જુએ છે મીરાં રાંકડી રે,
ઊભી ઊભી અરજ કરે છે દીનાનાથની.—
મુનિવર સ્વામી મારે, મંદિર પધારો રે;
સેવા કરીશ દિન-રાતડી રે.—
ફૂલના તે હાર ને ફૂલના ગજરા રે;
ફૂલના તોરા ને ફૂલ-પાંખડી રે.—
પય પકવાન વા’લા, મીઠાઈ ને મેવા રે;
ઘેબર જલેબી તલ-સાંકળી રે.—
લવિંગ સોપારી ને પાનનાં બીડલાં રે;
એલચી દોડા ને તજ પાંખડી રે.—