આ પાનું પ્રમાણિત થઈ ગયું છે.
:એકતારો:
[૮૩]
'રાવ, મોટર જરી બગલમાં દાબ તો !’
શેઠનાં નયન સૌંદર્ય શોધે;
'રાવ, સરકાવ ગાડી જરી પાછળે.'
શેઠ–પત્ની ઢળે રૂપ જુદે. પ.
ચાર દિવસો તણી ચમકતી પર્વણી :
ચિત્રપટ, નાટકો ને તમાશા :
'સાલ નવ મુબારક’ કાજ અહીં તહીં બધે
ઘૂમિયાં પલટી પોશાક ખાસા. ૬.
થાક આનંદનો લાગિયો, શેઠિયાં
બીજનો દિન ચડ્યો તોય સૂવે :
રાવ મોટર તળે જાય ઓજાર લૈ :
પોઢવા ?— નૈ જી, પેટ્રોલ ચૂવે ! ૭.
'શું થયું. રાવ ! ગાડી બગાડી નવી !
આમ બેધ્યાન ક્યાં થઈ ગયો'તો ?'
‘દીપમાલાની સ્વારી વિષે શેઠજી !
એક દીવો તહીં ગુલ થયો'તો’. ૮.
'કયાં ?'–'તહીં એક અંધારગલ્લી તણી
'ચાલની આખરી ઓરડીમાં,
'નાર મારી અને બાળ બે ગોબરાં
‘ચાર રાત્રી સુધી વાટ જોતાં, ૯.
