પૃષ્ઠ:Garba.pdf/૩

હૈયું રહે નહિ હાથ માં રે,
દરિયે વાળ્યો દાટ ભીડ ભંજની, અંબા અભય પદ દાયિની રે…

મારે તમારો આશરો રે,
ધાઓ ધાઓ મમ માત ભીડ ભંજની, અંબા અભય પદ દાયિની રે…

અંબા હિંડોળે થી ઉઠયા રે,
ઉઠયા આરાશુરી માત ભીડ ભંજની, અંબા અભય પદ દાયિની રે…

સખીઓ તે લાગી પુછવા રે,
ક્યાં કીધા પરિયાણ ભીડ ભંજની, અંબા અભય પદ દાયિની રે…

વાત વધુ પછી પુછજો રે,
બાળ મારો ગભરાય ભીડ ભંજની, અંબા અભય પદ દાયિની રે…

ભક્ત મારો ભીડે પડ્યો રે,
હું થી એ કેમ સેહવાય ભીડ ભંજની, અંબા અભય પદ દાયિની રે…

એમ કહી નારાયાણી રે,
સિંહે થયા અસ્વાર ભીડ ભંજની, અંબા અભય પદ દાયિની રે…

ત્રિશુલ લીધું હાથ માં રે,
તાર્યું વણીકનું વહાણ ભીડ ભંજની, અંબા અભય પદ દાયિની રે…

ધન્ય જનેતા આપને રે,
ધન્ય દયાના નિધાન ભીડ ભંજની, અંબા અભય પદ દાયિની રે…

પ્રગટ પરચો આપનો રે,
દયા કલ્યાણ કોઈ ગાય ભીડ ભંજની, અંબા અભય પદ દાયિની રે…

બધી તેની ભાંગજો રે,
સમયે કરજો સહાય ભીડ ભંજની, અંબા અભય પદ દાયિની રે…

અંબા અભય પદ દાયિની રે…