પૃષ્ઠ:Garba.pdf/૪૧

ભીડભંજની

શ્યામા સાંભળજો સાદ ભીડભંજની
અંબા અભયપદ દાયિની રે

અંબા અનાથોના નાથ ભીડભંજની
હેમ હિંડોળે હીંચતી રે

હીંચકે આરાસુરી માત ભીડભંજની
સખીઓ સંગાથે ગોઠડી રે

આવી આઠમની રાત ભીડભંજની
અંબા અભયપદ દાયિની રે

સર્વે આરાસુરી ચોકમાં રે

આવો તો રમીએ રાસ ભીડભંજની
એવે સમે આકાશથી રે

આવ્યો કરુણ પોકાર ભીડભંજની
કોણે બોલાવી મુજને રે

કોણે કર્યો મુને સાદ ભીડભંજની
મધ દરિયે તોફાનમાં રે

માડી ડૂબે મારું વ્હાણ ભીડભંજની
અંબા અભયપદ દાયિની રે