પૃષ્ઠ:Garba.pdf/૪૩

આજ બાળ મારો ગભરાય ભીડભંજની
ભક્ત મારો ભીડ પડિયો રે

હવે મારાથી કેમ ખમાય ભીડભંજની
કેમ કરી નારાયણી રે

સિંહે થયા અસવાર ભીડભંજની
ત્રિશૂળ લીધું હાથમાં રે

એવું તાર્યું વણિકનું વ્હાણ ભીડભંજની
અંબા અભયપદ દાયિની રે

એવું અમારું તારજો રે

માતા છો દીનદયાળ ભીડભંજની
ધન્ય જનેતા આપને રે

ધન્ય દયાના નિધાન ભીડભંજની
પ્રગટ પરચો આપનો રે

દયા કલ્યાણ ગુણ ગાય ભીડભંજની
ભીડ સેવકની ભાંગજો રે

આ સમરે કરજો સહાય ભીડભંજની
અંબા અભયપદ દાયિની રે
અંબા અભયપદ દાયિની રે