આ પાનાનું પ્રુફરીડિંગ થઈ ગયું છે
સોનલે જાણ્યું જે વીરો છોડવશે.
વીરે દીધાં રે સોનલ ! ધમળાં વછેરાં જો,
ધમળાં વછેરાં જો,
તો યે ન છૂટી સોનલ ગરાસણી.
આડો આવ્યો રે, સોનલ ! મામાનો દેશ જો,
મામાનો દેશ જો,
સોનલે જાણ્યું જે મામો છોડવશે.
મામે દીધાં રે સોનલ ! વેલ્યું ને માફા જો,
વેલ્યું ને માફા જો,
તો યે ન છૂટી સોનલ ગરાસણી.
આડો આવ્યો રે, સોનલ ! સ્વામીનો દેશ જો,
સ્વામીનો દેશ જો,
સોનલે જાણ્યું જે સ્વામી છોડવશે.
સ્વામીએ દીધી એના માથા કેરી મોળ્યું જો,
માથા કેરા મોળ્યું જો,
ધબકે છૂટી રે સોનલ ગરાસણી.
