આ પાનાનું પ્રુફરીડિંગ થઈ ગયું છે
માછીડા હોડી હલકાર
માછીડા હોડી હલકાર, મારે જાવું હરિ મળવાને
હરિ મળવાને પ્રભુ મળવાને ... માછીડા હોડી૦
તારી હોડીને હીરલે જડાવું,
ફરતી મૂકાવું ઘુઘરમાળ. મારે જાવું૦
સોનૈયા આપું રૂપૈયા આપું,
આપું હૈયા કેરો હાર. મારે જાવું૦
આણી તીરે ગંગાને પેલી તીરે જમુના,
વચમાં વસે નંદલાલ. મારે જાવું૦
કાલંદીને રે તીરે ધેનુ ચરાવે,
વ્હાલો બની ગોવાળ. મારે જાવું૦
વૃંદાવનની કુંજગલીમાં,
ગોપી સંગ રાસ રમનાર. મારે જાવું૦
બાઈ મીરા કે ગિરધર નાગર,
કૃષ્ણજી ઉતારો પેલે પાર. મારે જાવું૦