આ પાનાનું પ્રુફરીડિંગ બાકી છે
૯
શીયળ
સખિ ! સુણજો સુબોલ આ રસાળો,
શીયળને સંભાળો, સંભાળો :
સખિ ! સતિઓનો શબ્દ રઢિયાળો,
શીયળને સંભાળો, સંભાળો :
સખિ ! જીવનનો મન્ત્ર મરમાળો,
શીયળને સંભાળો, સંભાળો :
ઓ રસતરશ્યાં બાલ ! રસની રીત ન ભૂલશો ;
પ્રભુએ બાંધી પાળ રસસાગરની પુણ્યથી.
સખિ ! પ્રભુતાના દૈવી નિયમ ભાળો,
શીયળને સંભાળો, સંભાળો :
સખિ ! રસની પવિત્રતા નિહાળો,
શીયળને સંભાળો, સંભાળો :
સખી ! પ્રેમની અખંડ માઝા પાળો,
શીયળને સંભાળો, સંભાળો :
વનમાં વરસે મેહ, ધોમ ધખે વૈશાખના :
નિત્ય વધારે નેહ સારસડાંની બેલડી.
સખિ ! આત્માનાં આંગણાં ય વાળો,
શીયળને સંભાળો, સંભાળો :
