આ પાનાનું પ્રુફરીડિંગ બાકી છે
૪.
સૂનું સૂનું આભ આંગણું,
ને વળી સૂની સંસારની વાટ રે
સ્નેહધામ સૂનાં સૂનાં રે:
માથે લીધાં જળબેડલાં,
હું તો ભૂલી પડી રસઘાટ રે,
સ્નેહધામ સૂનાં સૂનાં રે:
૫.
સૂની સૂની મ્હારી આંખડી
ને પેલો સૂનો આત્માનો આભ રે,
સ્નેહધામ સૂનાં સૂનાં રે:
પ્રીતમ ! પ્રેમ કેમ વીસર્યા?
એવો દીઠો અપ્રીતમાં શું લાભ રે?
સ્નેહધામ સૂનાં સૂનાં રે.
૬.
સૂનાં સૂનાં ફૂલે ફૂલડાં,
મ્હારાં સૂનાં સિંહાસન, કાન્ત રે!
સ્નેહધામ સૂનાં સૂનાં રે:
આંબાની ડાળી મ્હોરે નમી,
મંહી કોયલ કરે કલપાન્ત રે,
સ્નેહધામ સૂનાં સૂનાં રે.
૭.
સૂનો સૂનો મ્હારો માંડવો,
ને ચારૂ સૂનાં આ ચન્દની ચોક રે,
સ્નેહધામ સૂનાં સૂનાં રે: