આ પાનાનું પ્રુફરીડિંગ બાકી છે
૨૬
ન્હાના ન્હાના રાસ
કાશ્મીરી શાલ
હું તો ઓઢું-ઓઢું ને સરી જાય રે
મ્હારી કાશ્મીરી શાલ;
મ્હારૂં હ્રદય ઢાંકુ એવી બતાવ, સખિ રે!
કોઇ લાજવણ શાલ. ધ્રુવ.
ધરી ઝોળી એક યોગીરાજ આવિયા રે લોલ;
મ્હેં તો છાતી પર છુન્દણાં પડાવિયાં રે લોલ;
મોંઘા ભિક્ષામન્ત્ર મનડે જડાવિયા રે લોલ;
પછી ઓઢવા ખરીદી આ રસાલ
મ્હારી કાશ્મીરી શાલ.
મ્હારું હ્રદય ભરાયું અને વાધતું રે લોલ;
મ્હારી ચોળી કેરાં બન્ધનો હરાવતું રે લોલ;
મ્હારા સાળુડાનું પોત તો આછું હતું રે લોલ;
પછી ઓઢવા ખરીદી આ વિશાલ.
મ્હારી કાશ્મીરી શાલ.
