આ પાનાનું પ્રુફરીડિંગ બાકી છે
૬૬
ન્હાના ન્હાના રાસ
લોક-લોકના રાસ
નિરખો આ રાસ લોકલોકના રે,
રમે સૃષ્ટિ ને સૃજનાર ;
રમે સૃષ્ટિ ને સૃજનાર :
અંગુલિમાં અંગુલિ પરોવીને
ખેલે તેજ ને અન્ધાર ;
ખેલે તેજ ને અન્ધાર :
રસનાં ઉછળે રંગહેલિયાં.
પુરુષ ને પ્રકૃતિની બેલડી રે
ફરે ફૂદડી અનન્ત ;
ફરે ફૂદડી અનન્ત :
તણખા વેર્યા નયનતેજના,
ત્હેનાં બનિયાં બ્રહ્માંડ ;
ત્હેનાં બનિયાં બ્રહ્માંડ :
રસનાં ઉછળે રંગહેલિયાં.